हंबरणाऱ्या जनावरांना पोलिसकाकांनी केले शांत

घरी कोणी नसताना हंबरडा फोडणाऱ्या जनावरांचा टाहो पोलिसांनी थांबविल्याची घटना अहमदनगर तालुक्यातील नेवासे येथे घडली आहे. घरी कुणी नसल्याने उपाशीपोटी हंबरणाऱ्या जनावरांना पोलिसकाकांनी शेतातील चारा कापून आणून टाकला अन् माणुसकीचे दर्शन घडविले.

अहमदनगर : घरी कोणी नसताना हंबरडा फोडणाऱ्या जनावरांचा टाहो पोलिसांनी थांबविल्याची घटना अहमदनगर तालुक्यातील नेवासे येथे घडली आहे. घरी कुणी नसल्याने उपाशीपोटी हंबरणाऱ्या जनावरांना पोलिसकाकांनी शेतातील चारा कापून आणून टाकला अन् माणुसकीचे दर्शन घडविले. 

राज्यात टाळेबंदी सुरु असताना अनेक ठिकाणी पोलीस बांधव प्रतिकूल परिस्थितीत कर्तव्य बजावत आहेत. त्यात अहमदनगर  जिल्ह्यातील नेवासे तालुक्यातील तेलकुड गावातील शेतवस्तीवर एका महिलेचा मृतदेह आढळून आला होता. यावेळी संबंधित घरातील सदस्यांवर गुन्हा दाखल होताच घरातील सर्व सदस्य फरार झाले होते. घरी कोणीच नसल्याने घरी जनावरांचा मोठ्याने हंबरडा सुरू होता. यावेळी घरी तपासासाठी आलेल्या पोलिसांच्या पथकाला जनावरांच्या टाहो कानी आला. यावेळी पोलीस पथकातील भीमराज पवार, अंबादास गिते या दोन बहादुर कर्मचाऱ्यांनी हाती थेट कोयता घेत शेजारील शेतातून घास/चारा कापून आणून भुकेल्या जनावरांना खाऊ घातला. तसेच पाणीही पाजले. यावेळी जोपर्यंत घरी कोणी येत नाही, तोपर्यंत घरी जनावरांना चारा, पाणी करण्याची जबाबदारी त्यांनी घेतली.

पोलीस खात्यात असूनही शेतकरी पुत्र असलेल्या वर्दीतील या दोन्हीही कर्तव्यदक्ष पोलिस कर्मचाऱ्यांचे या कामाबद्दल सर्वत्र कौतुक होत आहे.

 

Title: policekak cut the grass when not anyone home
तुमची प्रतिक्रिया द्या
संपूर्ण माहिती भरणे बंधनकारक आहे