निलंगा (लातूर): बॅरेज वरील लोखंडी प्लेट्स चोरणाऱ्या सराईत गुन्हेगार टोळीस नाकाबंदी दरम्यान अटक करण्यात आली आहे. त्यांच्या ताब्यातून सात लाख रुपयांचा मुद्देमाल जप्त करण्यात आला असून, पळून गेलेल्या आरोपींना 24 तासात अटक करण्यात औराद शहाजानी पोलिसांना यश आले आहे.

उदगीर ग्रामीण पोलिसांच्या विशेष पथकाची दुचाकी चोरांविरोधात कारवाई...

याबाबत थोडक्यात हकीकत अशी की, पोलिस अधीक्षक निखिल पिंगळे यांनी लातूर जिल्ह्यामध्ये होणारे चोरी व घरफोडी रोखण्यासाठी रात्रीच्या वेळेस अचानक नाकाबंदी करून वाहनांची व संशयास्पद व्यक्तींची तपासणी करण्याचे आदेश दिले होते. त्या अनुषंगाने उपविभागीय पोलिस अधिकारी दिनेशकुमार कोल्हे यांचे सूचना व मार्गदर्शनात औराद शहाजानी पोलिस ठाणे हद्दीत शेळगी या ठिकाणी 19/07/2022 रोजी रात्री अकरा वाजल्यापासून नाकाबंदी लावून वाहनांची तपासणी करण्यात येत होती. यादरम्यान 20/07/2022 रोजी मध्यरात्री दोन वाजण्याच्या सुमारास औराद कडून निलंगाकडे जाणाऱ्या एका अशोक लेलँड कंपनीच्या मिनी मालवाहू टेम्पो बाबत नाकाबंदीवरील पोलिसांना संशय आला. सदर टेम्पोला थांबून चौकशी केली असता वाहनांमधील व्यक्तींनी गाडीमध्ये ज्वारी असल्याचे सांगितले. पोलिसांनी वाहनाच्या पाठीमागील बाजूने पाहणी करत असताना वाहनातील संशयित व्यक्ती पळून गेले. वाहनांमध्ये बॅरेज वरील लोखंडी प्लेट असल्याचे दिसून आले. पळून जाणाऱ्या संशयितांचा पाठलाग करून पळून गेलेल्यांपैकी एकाला ताब्यात घेतले. त्याची चौकशी केली असता त्याचे नाव 1) हनुमंत पांडुरंग मोरखंडे (वय 37 वर्ष, राहणार आनंतवाडी तालुका देवनी) असे सांगितले. तसेच चोरलेले लोखंडी प्लेट हे वांजरखेडा बॅरेजवरील असल्याचे सांगितले. पळून गेलेल्या साथीदारांचे नाव 1) विशाल संभाजी पाटील, 2) विकास करण बिराजदार, 3) एक विधी संघर्ष ग्रस्त बालक (सर्व राहणार कोराळी तालुका निलंगा) असे सांगितले. त्यानंतर तात्काळ उपविभागीय पोलिस अधिकारी निलंगा दिनेशकुमार कोल्हे यांनी सहाय्यक पोलिस निरीक्षक संदीप कामत व पोलिस उपनिरीक्षक गोपाळ शिंदे यांची रात्रीतूनच तात्काळ दोन तपास पथके तयार करून पथकांना मार्गदर्शन व सूचना करून पळून गेलेल्या आरोपीच्या मागावर रवाना केले.

लातूरमध्ये जिल्हाध्यक्षासह एकाला गांजा आणि मुद्देमालासह अटक...

पथकाने कासारशिरशी, कोराळी तसेच उमरगा या ठिकाणी आरोपीचा शोध घेऊन पळून गेलेल्या 3 आरोपींना गोपनीय व सायबर सेल, लातूर यांच्याकडून प्राप्त तांत्रिक मदतीने शीताफीने पकडून 24 तासाच्या आत ताब्यात घेतले. सदर प्रकरणात पाटबंधारे विभाग बीट प्रमुखांच्या तक्रारी वरून पोलिस ठाणे औराद शहाजानी येथे गुन्हा क्रमांक 151/2022 कलम 379, 34 गुन्हा नोंद करण्यात आला असून आरोपींना अटक करण्यात आली आहे. त्यांच्याकडून आणखीन अशाच प्रकारच्या चोऱ्या केल्याची शक्यता नाकारता येत नाही. वरील आरोपीकडून लोखंडी प्लेट्स, 1 टेम्पो, 2 मोटरसायकल असा एकूण सुमारे 7 लाख रुपयांचा मुद्देमाल पोलिसांनी जप्त केला असून, आणखी गुन्हयातील मुद्देमाल मिळण्याची शक्यता आहे.

लातूर पोलिसांची फार्महाऊसवर धाड; लाखो रुपयांचे चंदन जप्त...

सदरची कामगिरी दिनेशकुमार कोल्हे यांच्या मार्गदर्शनाखाली पोलिस ठाणे औराद शहाजनीचे सहाय्यक पोलिस निरीक्षक संदीप कामात, पोलिस उपनिरीक्षक गोपाळ शिंदे, यांच्यासह पथकातील पोलिस अंमलदार मनोजकुमार मोरे, तानाजी टेळे, सूर्यवंशी, विष्णू गीते, गोपाळ बर्डे, श्रीनिवास चिटबोने, लतीफ सौदागर, शिवाजी जेवळे, महादेव डोंगरे, बळीराम केंद्रे, रवींद्र काळे, भाग्यश्री ठोकरे यांनी विशेष कामगिरी केली आहे. सदर गुन्ह्यात सायबर सेल लातूर येथील सहाय्यक पोलिस निरीक्षक सुरज गायकवाड, पोलिस अंमलदार संतोष देवडे, प्रदीप स्वामी ,गणेश साठे ,शैलेश सुडे, महिला पोलिस अमलदार अंजली गायकवाड, पोलिस ठाणे कासारशिरसी येथील सहाय्यक पोलिस निरीक्षक डमाले, पोलिस अंमलदार भीमाशंकर भोसले, विकास भोंग यांनी बजावली आहे.

लातूरमध्ये लाखो रुपयांचा गुटखा जप्त; पाहा १० जणांची नावे...

लातूर पोलिसांची उत्कृष्ट कामगिरी; खुनाचा उलगडा केला अन्...

लातूरमध्ये जुगार अड्ड्यावर छापा अन् २० जणांवर गुन्हे दाखल; पाहा नावे...

लातूरमध्ये संघटनेच्या कार्यकर्त्यास खंडणी घेताना रंगेहात पकडले...

पुणे पोलिसांनी लातूरपर्यंत पाठलाग करून केली बाळाची सुखरूप सुटका...

लातूर पोलिसांच्या सोशल मीडिया मॉनिटरिंग सेलकडून मोठी कारवाई

लातूर पोलिसांनी हस्तगत केल्या १९ मोटारसायकली अन्...

लातूरमध्ये पाहायला मिळाला महिला पोलिसाचा रुद्रावतार...

नेत्यांना घर-दार विकायची वेळ येणार असेल तर सर्वसामान्यांचे काय?

लातूर-नांदेड रस्त्यावर पोलिसांनी सापळा लावला अन् एक मोटार दिसली...

आरोपीचा चेहरा का झाकला जातो बरं? घ्या जाणून...

पोलिस कोठडी अन् न्यायालयीन कोठडीतील फरक?